بەمەبەستی جەختکردن لەسەر لێکنزیك بوونەوەی هێزە کوردستانیەکانی و یەک ریزی و یەکدەنگی و یەك وتاری گەلی کورد و پاراستنی دەستەکەوتەکان و هەنگاونان بەرەو وەدەستهێنانی سەرکەوتنی مەزن تر و بەدیهێنانی مافەرەواکانی کۆمەلانی خەلکی کوردستان رەوەندی کوردی بەبەشداری حزب ولایەنە کوردستانیەکان لەسەر بانگهێشتی جەوانانی کوردی رۆژئاوا لە ٣/٤/ ٢٠١٦ لە شاری ئارهوسی دوورگەی یولاندی دانیمارك لە بەردەم شارەوانی گردبوونەوەیەك سازکرا، ئامادەبووان تیایدا بەیەك دەنگ جەختیان لەسەر یەکریزی یەک دەنگی و یەك وتاری گەلی کوردیان دەکرد بە مەبەستی پاراستنی دەستکەوتەکان و گەیشتن بە ئامانجەکان و پوچەلکردنی نەخشەو پیلانی دوژمنان و داگیرکەرانی گوردستان.

بەو مەبەستەش شاندکی هاوبەش بەنوێنەرایەتی کۆمیتەی رێکخستنی یەکێتیی نیشتمانیی کوردستان و کۆمەلەی پێشمەرگە دێرینەکانی کوردستان کە پێک هاتبوو لە سەردار محەمەد ل. کۆمیتە و مەحمود عەزیز ئەندامی کۆمیتە و خەلیل رەشید پێشمەرگەی دێرین وهەروا ژمارەیەکی بەرچاوی رێکخستنەکانی یەکێتییمان و پێشمەرگەدێرینەکان بەشداریان لە گرد بوونەکە کرد. لە میانەی گردبوونەوەکە سەردار محمەد ل. کۆمیتە بە مەبەستی پالپشت و پشتگیری کردن لەو گردبوونەوەیەو داوارەواکەی جەوانان بەتایبەتی و رەوەندی کوردی بەگشتی بۆ یەکریزی و یەك دەنگی و یەک گوتاری گەلی کورد پەیامی کۆمیتەی رێکخستنی دانیمارکی یەکێتیی نیشتمانیی کوردستانیا ئاراستەی گردبوونەوەکە کرد.