دوای چی له عه‌شقم تێده‌گه‌ی ، که ئێستا ده‌گه‌ڕێیته‌وه
ئاسه‌واری ساردوسڕیت ، هه‌رگیز بۆ ناسڕێته‌وه...
چیت لێم ئه‌وێ له‌وه زیاتر ، بویته شوعله و سوتاندمت
درێژایی ئه‌م ته‌مه‌نه‌م ، خه‌مت دامێ و گریانمت
هێشتا لاو بووم ، به‌فری سپی ، ده‌رگای تاڵی مووی پێگرتم
ژیانێکی پڕ له گێنگڵ ، به سوێ و ته‌م ، پێت به‌ڕێکردم
زۆر خه‌وم دی به‌و ڕۆژه‌وه‌ی ، وه‌ڵامی هه‌ستم به‌یته‌وه
په‌رۆشی کانیاوی سۆز بیت ، پڕ به دڵ لێی بخۆیته‌وه
به‌ڵام دوای چی ، که گۆچانیش ، له‌رزه‌ی جه‌سته‌م ناگرێته خۆ
مه‌رگ له دووڕیانی رێمه و باشترین کڕیاره ئه‌مڕۆ
بڕۆ چیدی مه‌مگرێنه ، ده‌هرێکه بێ دڵ ژیاوم
ده‌سخه‌ڕۆ نابم به تینت به پشکۆت ، عه‌مرێک سوتاوم