له‌هه‌رێمی كوردوستاندا، هه‌موو ئامرازه‌كانی سیاسه‌تكردن هه‌یه، پاره‌یه‌كی زۆر زۆریش هه‌یه. به‌ڵام دووشت نییه، یه‌كه‌م: ئیداره‌و حوكمێكی ڕه‌شید. . دووه‌م: فكره‌یه‌ك تا هه‌موو لایه‌نه‌كان وه‌ك چه‌ترێك له‌ژێریدا كۆبنه‌وه. خۆئه‌گه‌ر له‌م كاته‌دا په‌كه‌كه‌و پارتی، یان دوو هێزی كوردیی تر ناكۆك بن و، ژوورێكی هاوبه‌شی بێ دڵه‌ڕاوكی به‌رامبه‌ر یه‌كتر بۆ چاره‌سه‌ركردن و ته‌كبیركردن دروست نه‌كه‌ن، به‌پێی پێشبینی و زانیارییه‌كانی ئێمه ماڵوێرانییه. . به‌دووریشی نازانم ئه‌و بێزارییه‌ی گۆڕان و یه‌كێتی دروستیان كردووه، توندڕه‌ویی لێبكه‌وێته‌وه.
یه‌كێتی، چه‌ند ساڵێكه گه‌وره‌ترین سه‌رئێشه‌و برینه به‌سه‌رجه‌سته‌ی حوكمڕانی كوردیی و به‌سه‌ر كادروهه‌ندێ له‌سه‌ركرده‌كانی خۆشییه‌وه. به‌كورتی به‌خوێنه‌ر بڵێم یه‌كێتی بۆ ئه‌مه هه‌یه:
كۆمه‌ڵێك پاره‌ی زۆر و كۆمپانیای گه‌وره له‌ژێر ده‌ستی چه‌ند كه‌سێكدایه، ئه‌یانه‌وی تاهه‌تایه خه‌ریكی خواردن و قه‌به‌كردنی ئه‌م كۆمپانیا و چه‌ته‌ییه بن، ئیتر كه‌س له‌وحزبه‌شدا نه‌مێنی كێشه نییه. . ئه‌گه‌رنا هیچ مه‌رام و مه‌هام و ستراتیژ و پلانێكی زانستی و نیشتمانیان نییه. ڕه‌نگه یه‌كێك بڵێت: ئه‌وه‌تا زۆرترین شه‌هیدمان داوه‌و یه‌كێتی نه‌بوایه، واو وا ئه‌بوو له‌م شه‌ڕه‌دا، یانی تا ئه‌م حزبه بمێنی هێزی حزبی و ملیشیا ئه‌مێنی (به‌هێزی حزبی و نانیزامی ئه‌وترێ میلیشیا زانستییه‌ن، ئیتر كه‌س خۆی توڕه نه‌كات!) . . ئه‌و شكسته‌ی له‌جه‌له‌ولاو شكانه‌كه‌یان شتێكی ئه‌وتۆی كه‌متر نه‌بوو له‌وه‌ی شنگاڵ و مه‌خمور. ئێستاش (21) ته‌رمی پێشمه‌رگه له‌بن و دارو به‌رده‌كانی جه‌له‌ولادان، جێهێڵراون.
یه‌كێتی هه‌یه، بۆ ته‌كه‌تولات، بۆ ته‌ێفیاتی ئه‌م و ئه‌و، بۆ كاری مافیایی، ئه‌گه‌رنا ئه‌مانه‌ی یه‌كێتی به‌ڕێوه ئه‌به‌ن نه‌یه‌كێتین و نه‌یه‌كێتیش ئه‌وانن. تكایه ئه‌گه‌ر به‌رگری له‌یه‌كێتی ئه‌كه‌ن، ئه‌وه یه‌كێتی نییه. ئه‌وانه‌ی به‌رگریی كردن له‌وه‌ها سه‌ركردایه‌تیه‌ك به به‌رگریی كردن له‌یه‌كێتی ئه‌زانن، مه‌حكومن به‌وه‌ی هه‌رشتێكیان به‌رانبه‌ر بكرێت، مه‌بن به هه‌ڵسوڕاوه ناحاڵییه‌كانی گۆڕان و هه‌ندێ كادری پارتی تازه‌و ئێستا به‌هه‌ڵه‌داوان قسه‌كانی پێشوتری ئێمه پشتڕاست ئه‌كه‌نه‌وه. . ئه‌مانه كۆمه‌ڵێك مافیای بێمنه‌تن خه‌ریكی خۆقه‌به‌كردن و هێنانه پێشه‌وه‌ی كوڕو كچی خۆیانن، هه‌میشه حازرن بۆئه‌وه‌ی تێی بقوچێنن. . . نه‌ئه‌توانن بڕیار دروست بكه‌ن، نه بڕیاریشیان بۆ هیچ مه‌سه‌له‌یه‌ك پێده‌رئه‌كرێت. ته‌نها ئێرانه‌و ته‌واو. . . چه‌ند ساڵه چه‌ند جارمان ووت، لێره شتێك نییه ناوی مه‌سه‌له‌ی كورد بێت. !.
ئه‌م حزبانه‌ی كوردوستان، ئه‌گه‌ر تۆزێك به‌هێزبن، ئه‌وه هی شه‌هامه‌ت و به‌رنامه‌ی سیاسیی و ئینسانی نییه، به‌ڵكو ئه‌وه بزانه به‌رامبه‌ره‌كه‌ی لاواز بووه، بۆیه وائه‌میان خۆی به به‌هێز ئه‌زانێت. له‌سه‌ر بنه‌مای په‌لاماردان و هاژوهوژی ناوخۆیی و براكوژیی نفوسی خۆیان زیاد ئه‌كه‌ن ئه‌م حزبانه!!. ئه‌وه‌یه كاره‌سات و یاریكردن به‌خه‌ڵك و تاكی كورد. . . هه‌موو ئه‌م قسانه پێویستی به‌به‌ڵگه‌و نمونه نیشاندان نییه.
به‌پێی پێناسه‌ی زانستی سیاسیی بۆ " حزب" یه‌كێتی له‌ئێستادا حزب نییه، حزب كۆمه‌ڵه خه‌ڵكێكی دیاریكراون، له‌ده‌وری به‌رنامه‌یه‌ك ڕێكخستنێك دروست ئه‌كه‌ن و كۆئه‌بنه‌وه، خه‌بات ئه‌كه‌ن بۆ گه‌یشتن به‌ئامانجێكی باڵا و دیاریكراو. ". . . یه‌كێتی و سۆشیال دیموكرات به سه‌دان كیلۆمه‌تر دورن له‌یه‌كترییه‌وه، یه‌كێتی و به‌رنامه‌و پێكه‌وه كۆبونه‌وه‌و بڕیاردان و خه‌بات و ئامانجی باڵا زۆر زۆرن دوورن له‌ئێستادا. .
تێبینی: من هه‌روا فێربوم، ڕای خۆم بڵێم، ئیتر خه‌ڵك چۆن لێكی ئه‌داته‌وه، ئاره‌زووی خۆیه‌تی، ئێمه ڕۆشنبیره‌كانیشمان واقیع ناگوازنه‌وه وه‌ك ئه‌وه‌ی هه‌یه، به‌ڵكو وه‌ك ئه‌وه‌ی خۆیان ئه‌یانه‌وی باسی ده‌كه‌ن. فێر نه‌بون بابه‌تی سیاسیی ڕام بكه‌ن به‌شێوه‌ی بابه‌تیانه، به‌ڵكو به ده‌مارگیریی و ئایدۆلۆژیاو هه‌ڵوێست وه‌رگرتنه‌وه، ده‌نوسن و ده‌خوێننه‌وه.
ئه‌و بابه‌تانه‌ی له کوردستان نێت دا بڵاوده‌کرێنه‌وه، بیروبۆچوونی خاوه‌نه‌کانیانه، کوردستان نێت لێی به‌رپرسیار نییه.