جارێکی تر
مەلی یادت
هەڵی گردم
بووم بە خەمێکی نەزۆک
ئازارت یەخەی گرتم
بیر لە خەمت بکەمەوە
بیر لەوانەی
برای رۆژی
تەنگانە بوون
بوونە
مۆمی
چرای یادت
دانە دانە
کوژایەوە
لە یادی ئەوانەی
باڵیان کێشراو
لەوڵاتە ئاوارە بوون
لەیادی ئەوانەی
سەری خۆیان هەڵگرت و
لەقۆژبنی تاراوگەدا
نیشتنەوە
لە یادی ئەوانەی
پیاو شۆرش بوون
ئیستاکە بوون
بە سەرمایە داری وڵات
لەیادیئەوانەی
لەسەر نووکی قەڵەم
تیرور کران
لە یادی ئەوانەی
هەر وونن و
بێ هەواڵ
لە یادی ئەوانەی
هەڵهاتن
جارێکی تر نایەنەوە
لە یادی ئەوانەی
لەدەریای مردنە
وون بوون
لاشەکانیان
ڕاسپاردەی
ئاوکرا
لە یادی ئەوانەی
ویژدانیان بەخشی
لە بەردم
پارویەک نان
لە یادی ئەوانەی
بەبێ تاوان
جارێکی تر
ئەنفال کران
لەیادی ئەوانەی
لەپێناو مافە
کوژران
لە یادی ئەوانەی
لەبەردەم پلەی تاوانە
تیرۆر کران
لەیادی ئەوانەی
هەتیو بوون
دووبارە
هەتیو دەبن
لەیادی ئەو بەندانەی
لە بەنیخانەی قەفەسە
شێوەی مریشک
هەر تێی دەکەن
لەیادی ئەوانەی
لە بەردەم نەبوونییە
گۆرچیلەی خۆیان
فرۆشت
لە یادی
ئەو دایکانەی
رۆلەکانیان
لەدەست دا
لەیادی
ئەو کیژانەی
لەبەردەم هێزی دراوە
دڵی خۆیان فرۆشت
ڕازی دڵی
هەر یەکێکمان
چیرۆکێکە
بەزایە چوو
ویژدان و
ڕەوشت و دین
کە دێینەوە
ماڵێک لە گڵ
دروست دەکەین
لەگەڵ یەکسانی یاسادا
ماڵی هەژار
بونیات ئەنەین
بەڵام جارێک
هێشتا
حاکم هەر خۆیەتی و
دەنگی میلەت
نادیارە