ئه‌گه‌ر ئه‌م ب تێگه‌هشتنا مروڤێ کوردا بچین د وارێ ئازادیێ دا، دێ ژبو مه گه‌له‌ک خالێن گرنگ و نه‌په‌نی ده‌رکه‌ڤن هولێ.ئه‌ڤه‌ژی دێ مه به‌رڤ بابه‌تێن به‌رفره‌ه و بالکش ببه.نه‌خاسم کوردستان د وارێ گه‌شبوینا هزری و ره‌وشتێ نوبه‌تیێ و رێزگرتنا ده‌می و بلند وه‌رگرتنا نرخێ که‌رکرنێ .....هتد هێشتا یا بشکوژه.ئه‌ڤ چه‌نده ژی باندورا خوه ب ئاواوایه‌کێ راسته راست ل هه‌ر واره‌کێ دا دکه و تێگه‌هشتن پێشه‌نگه.
د هه‌ر جڤینه‌کا جڤاکیدا، ئه‌گه‌ر بابه‌ت بێته سه‌ر گه‌شه‌بونا کوردستانێ، دێ لسه‌ر هندێ سه‌کنیت کو تێگه‌ها ئێکێ کورد، هه‌تا ئاسته‌کی به‌رجاڤ ل ئازادیێ هێشتا یا نه‌گه‌هشته‌یه و د خرشبونێ دایه، جهئینانا رێڤانێن"رێنماێن"یاسای ژئالیێ فه‌رمانبه‌ری ڤه کو ئه‌وه یێ یاسای د سه‌پینت یا سست و لاوازه.ئه‌گه‌ر به‌روه‌رد بێت کرن لگه‌ل فه‌رمانبه‌ر و ئێکه‌نێن "تاکه که‌سی"ێن وه‌لاتێن سه‌رده‌م، ئه‌ڤه‌ژی وه‌دکه کو وه‌لاتی ئازادیێ لگور حه‌زێن خوێن به‌رته‌نگ ب کاربینه، بسرڤه سه‌رڤه وه‌کی وی بڤه‌ت خوه لێ تێبگه‌هینه، چوجارا خه‌مێ ل بیرکرن و دوربناکا هه‌ژی دڤی واری دا نه‌خوه و هه‌رتشتێ نه هه‌ژی پێڤه گرێده، بو خوه بکه وه‌کی مه‌تاله‌کێ و دپشت را که‌نگی و ب چی ئاوای ڤیا شیرێ خوه‌یێ به‌رژه‌وه‌ندی په‌رسیێ ڤه‌وه‌شینه و ژ ده‌رڤی یاسای داخازێن خوه ب جهبینه.
یه‌که‌م پێنگاڤ ژبو تێگه‌هشتناکا لێکدای و شایستی ڤی ملله‌تێ خودان سه‌ربوره‌کا پر ژ کاریساتێن دلته‌زی، ئه‌وه کو فه‌رمانبه‌ر ب هه‌می رنگێن خوه‌ڤه پیوندیاکا هه‌ژی د ناڤبه‌را ده‌ستهه‌لاتێ و خه‌لکێ دا دروستبکه و بکاریێ خویێ هاتیه سپاردن بێ کێماسی رابه و یاسای وه‌کی خوه برێکوپیکی ب جهبینه.ژبو ب ئه‌نجامگه‌هشتنا ڤێ ئێکێ ئه‌وه کو سمنارێن به‌رفره‌ه ژبو فه‌رمانبه‌را لسه‌ر ڤی بابه‌تی بێنه ل دارخستن، د که‌نالێن راگه‌هاندنێ ژی دا هه‌مان تشت بێته کرن، داکو تێکه‌هستنه‌کا هه‌ژی ل ده‌ڤ خه‌لکێ ڤی وه‌لاتی دورست ببه و هشیاربه ل هه‌ر جوره کێمیه‌کێ.هه‌لبه‌ت فه‌رمانگه‌ه پره‌کا هه‌ری مکومه دناڤبه‌را ده‌ستهه‌لاتێ و خه‌لکێ دا و بنگه‌هه‌کی هه‌ری گرنگه ژ بو به‌رپاکرنا یاسای و تێگه‌هشتنه‌کا سه‌رده‌م ل ئازادیێ.
ملله‌تێ تێگه‌ه دناڤ دا خرش و نه ل ئاستێ پیتڤیبونێ، هه‌می ده‌ما پاشکه‌تن و لاوازی ل ده‌ڤ پیدایه، سه‌رێن رێکا به‌رزه‌نه و ئالوزی ل جهێ ڤه‌کرنا گرێکا ب به‌رفره‌هی دگره و ئارمانج هه‌رتم نه‌دیتینه.د هه‌می وارا دا ململانیه‌کا نه شیسته و به‌ریکانه‌کا نه هه‌ژی زاله و د هه‌رکاودانه‌کێ دا نه ئارامی سه‌رداره.ئازادی ژی دکه‌ڤه دناڤ ئاسته‌نگادا و دخه‌تمه.به‌ر و ڤاژی ڤێ ئێکێ تێگه‌هشتن ئالاڤه‌کی هه‌ری گرنگێ وه‌رارا سه‌ر راستکرنا ژیانداریا مروڤاتێ یه، هه‌رتشت پێرا ده‌ملده‌ست گرێدای یه، چقاس خورتببه ئه‌وقاس ژیان ئاسان و ب خوه‌شی ده‌رباس دبه.ئازادی ژی دناڤ ده به‌ربه‌لاڤ دبه و جهێ خوه دگره، و یاسا لسه‌ر هه‌رکه‌سیرا تێت سه‌پاندن، هه‌ر تشت پێرا گه‌ش و زه‌لال تێ دیتن.
28.12.210